Zaloguj się
Jesteś nowy na OX.PL?
Zaloguj się
Jesteś nowy na OX.PL?
telewizja

Teksty Stela - odcinek 2

Teksty Stela - dzisiejszy odcinek to zapis czasu na pograniczu starego i nowego roku. Nagrywamy na moment przed północą i czytamy tekst Tomasza Sochackiego. Jak Wy spędziliście sylwestra? Napiszcie w komentarzach. Zapraszamy do obejrzenia odcinka.

Rostomili przociele, rok my zaś przeżyli,
Ros było wiesioło, ros my sie tropili,
Ale dycki do przodku, bo żywot sie fórt toczy,
Czasym sie śmiejymy, potym sie łzy cisnóm do oczy.

Gaździnki, coby Wóm kury godnie wajec nosiły,
S chłopami cobyście sie co nejmiyni wadziły,
Coby Was nie nasrowali, a szykowni byli,
Piwa a gorzołki, w aryndzie fórt nie pili.

Gazdowie, coby Wóm ziymeczka godnie obrodziła,
Krowa sie na jor szczynśliwie ocieliła,
Coby baby po Was co nejmiyni ryczały,
Dycki wieczór przed spanim słodkij pusy dały.


Starko, zdrowio, coby Was rewna wieczór nie łómała,
Cobyś se ros za czas wiesioło zaśpiywała,
Wnuki cobyście mieli szykowne, by Was szanowały,
Każdy dziyń rano a po połedniu Was nawszczywiały.

Starziku, cobyście sie ze starkóm tak moc nie wadzili,
W zdrowiu, w szczynściu nastympny rok s nami przeżyli,
Cobyście se kole chałupy pómału o losce chodzowali,
A dochtora, szpitola, lyków nie potrzebowali.

Dziecka Fotrów a Matki dycki posłuchejcie,
Starzików a Starki godnie naszczywiejcie,
Cobyście miały we szkole same dobre noty,
A w głowie dycki poukłodane, żodne tam gupoty.

Wszystkim zdrowio, szczynścio, co nejmiyni starości,
Grejcarów pełne pytle, moc śmiychu a miłości,
Bo dycki je ros gorszy ros lepszy, taki żybobyci,
Ros padze deszcz, a potym chned słónko zaświyci.

S Pón Bóczkiym, też se czasym powyrzóndzejcie,
Porzykać nima grzych, tóż o nim pamiyntejcie,
Eszcze ros wszystkigo najlepszego, yny samej słodyczy,
Tego Wóm Tómek, synek stela szczerze s serca życzy!

Tómek Sochacki

źródło: ox.pl
dodał: red

Komentarze

0
Redakcja nie ponosi odpowiedzialności za komentarze internautów. Wpisy niezgodne z regulaminem będą usuwane.
Dodając komentarz, akceptujesz postanowienia regulaminu.
Zobacz regulamin
Musisz się zalogować, aby móc wystawiać komentarze.
Nie masz konta? Zarejestruj się i sprawdź, co możesz zyskać.
To również może Ciebie zainteresować:
Ostatnio dodane artykuły: